咬人外星人FOZY嗌外賣之「外星送唔送啊？！」

其實香港嘅茶餐廳，唔單有我哋幫襯，就連外星人都會嗌外賣啊！？唔信？咁就來睇吓呢本《咬人外星人FOZY 嗌外賣之「外星送唔送啊？!」》。

故事發生係嚮地球同月球之間嘅一個小星球，叫M-JUNGLE星。有傳係一粒俾人咬咗一啖嘅魚蛋慢慢演變而成！可能係因為咁，所以星球入面嘅奇怪生物個個都好為食。星球體積只有你間房咁細，由於太細關係所以地球人仲未發現到！入面住咗一對外星人FOZY同WIZE：WIZE身為星球嘅國王，並冇擺出一副高高在上的姿態，間中會表露少許少爺仔脾氣，最愛收集地球嘅波子；FOZY身為星球嘅一介平民，細細個便識咗WIZE，佢乜都食，唔食得嘅野佢都會嘗試去食！星球上，仲有一大班FRIENDS陪住佢地，都唔知有幾開心！

有一日，FOZY同WIZE收到由地球茶餐廳寄嚟嘅宣傳單張，為食嘅FOZY決定試下嗌外賣：乾炒西班牙牛河、番茄牛肉飯、腐乳生菜牛腩飯……故事就由此開始啦！作者藉呢本書講述了外星人嚟地球搵野食嘅趣事，亦用佢地嘅角度睇吓我哋香港人生活到底有幾荒謬！

陳RAP

MINTS設計團隊的三位成員之一，而M-JUNGLE系列就係三位成員的人生習作。

陳RAP 由細到大都對頭上呢片天空好好奇，更曾經夢想成為太空人。但自知能力有限，根本冇可能親身上太空感受宇宙。所以後來成為設計師後就希望用幻想創造一個外星世界，用嚟實現小時一部分夢想。在茫茫宇宙中，陳RAP發現了FOZY同WIZE這兩位外星人。希望能夠透過這本繪本活化它們，使它們成為香港人心目中的朋友。

M-JUNGLE曾被電視台、電台、各大報章及雜誌訪問過。其系列產品正在各大百貨公司熱賣中。

大家好呀，我叫陳RAP！係呢本書嘅作者。

到底宇宙有幾大？到底係咪有外星人？到底天上每一粒星星係來自

乜嘢地方？對比起整個宇宙我哋只係一粒微塵，但點解我哋都有獨立

思考？點解會識寫書同埋睇書？我由細到大都對我哋頭上呢片天空好

好奇，更曾經夢想成為太空人。但自知能力有限，根本就冇可能可以

親身上太空感受宇宙。所以後來成為設計師後就希望用幻想創造一個

外星世界，算係用嚟實現小時一部分夢想！

講返呢本書， 呢個故事發生喺地球同月球之間嘅一粒小星球，

叫M-JUNGLE星。入面住咗一對外星人FOZY同WIZE，而呢本書就係

講述呢對為食外星人嚟地球搵嘢食嘅趣事，同時用佢哋嘅角度睇吓

我哋香港人生活到底有幾荒謬。

一路畫，一路覺得FOZY同WIZE晌我手中成長，開始成為一個活生生嘅生命體。所以，呢本書入面所講嘅嘢都係真有其事，FOZY同WIZE仲係

真真實實咁存在緊添！

M-JUNGLE星球系列晌兩年前已經開始構思，係我同兩位兄弟BERG同

MING合作推出嘅。最初只係做咗FOZY同WIZE兩隻公仔晌網上售賣，

好開心到後來可以晌百貨公司售賣甚至為佢地出書。對我嚟講，

由零開始行到呢步係一件難事。但手拎住呢件捱過重重難關而得出嚟

嘅成品，心頭有一陣滿足。

講住咁多先，大家一齊嚟見證我實現夢想嘅一個里程碑喇！